KING MEDO
Admin
المساهمات : 28
تاريخ التسجيل : 09/07/2009
 |  موضوع: ميريهان ووقعها فى يد شوية نصابين !!!  السبت يوليو 11, 2009 5:41 pm | |
|  لقد تحولت حالة الاطمئنان التي كانت تعيشها قبل عرض الفيلم،الي حالة من الذهول فاقت توقعاتها.
عن حذف مشاهدها وتخلي تامر والسبكي عنها والصراع الخفي الذي أدي لظهورها بشكل مقحم في الاحداث كان لنا معها هذا الحوار .
*ما تقييمك لدور «كارما» بفيلم «عمروسلمي2»؟
ـ للأسف الدور تم تفريغه من محتواه، وأصبح مقحماً علي الأحداث، وده لأنه تم حذف مجموعة كبيرة جدا من المشاهد من الدور قبل التصوير.
وكان من المفترض أني أصور مشاهد كثيرة تجمعني مع تامر حسني، لكنني فوجئت بأنهم بيحتفلوا بنهاية التصوير، رغم أن دوري لم يكتمل بالفيلم، ولما سألت المنتج محمد السبكي عن استكمال باقي مشاهدي بالفيلم، قالي إنه هيحدد ميعاد نكمل فيه باقي المشاهد، وده طبعا محصلش.
*ولماذا لم تطالبي باستكمال مشاهدك، وهو حق مشروع لك؟
ـ متكلمتش بعدها مع حد، علشان كنت بسمعهم بيقولوا ان الفيلم طويل ومحتاج يقصر، وقلت مش مشكلة في مشاهد كتير صورتها، لكن المفاجأة الكبري أنهم حذفوا مجموعة من المشاهد اللي اتصورت بالفعل، وده اللي خلاني أحس أنني اتضربت علي قفايا، لأن من ضمن المشاهد مشهد «ماستر سين» بيني وبين تامر حسني، وهو مشهد رئيسي بالدور، ويعتبرمحور الفيلم بالكامل، وهي أني بضعف وبقع في علاقة مع تامرحسني بعد رفضي لإقامة علاقه معه.
*هل تعتقدين أن حذف مشاهدك كان نوعاً من «النفسنة» من مي عز الدين أو بأوامر منها كما قيل؟
ـ أنا مش عايزة أقول كده، لأنني معرفش مين السبب، أو في صالح مين اللي حصل ده، وبعدين أنا ومي عز الدين مفيش بيني وبينها حاجة علشان تعمل كده، أي نعم احنا مش أصحاب لكن علاقتنا مع بعض كويسة، وبعدين الفيلم أصلا بتاعها ومعمول باسمها «عمروسلمي» فمش محتاجة تعمل كده.
*وما سبب عدم ظهورك علي أفيش الفيلم؟
ـ كان مفروض يكون فيه ثلاثة أفيشات، واحد لتامر ومي، والتاني مي مع البنات، والتالت أنا والفنان عزت أبو عوف ومروة عبد المنعم.
لكن المنتج لم يلتزم باتفاقه معايا في حاجات كتير، منها صورتي علي الأفيش وتصوير المشاهد الناقصة، وده ميمنعش أني محترمة وجهة نظره في حذف المشاهد لأنه أكيد عارف كويس أوي هو بيعمل إيه، غير أنهم كتبوا اسمي بشكل حلو جدا في التتر، وإجمالا أنا سعيدة بالتجربة وبإشادة المخرج أحمد البدري بأدائي أمام الفضائيات، لكنني زعلت بجد جدا علي مجهودي، وصعبان عليّ تعبي، وبصراحة متوقعتش انهم يخذلوني بالشكل ده.
*لماذا تخلي عنك تامر حسني في هذا الموقف علي غير عادته؟
ـ تامر حسني وقف جنبي ومازال، ووجوده جنبي يطمني، لكن بصراحة هو معمليش حاجة، ولو كنت أعرف أنهم هيعملوا معايا كده كنت هطلب منه يتدخل، لكنني أعتقد أنه ميعرفش، لأنه مش من سلطته أنه يتدخل في حاجة زي كده، غير أن سفره الدائم وانشغاله بألبومه بعدنا عن بعض قليلا.
*انتقادات كثيرة وجهت للفيلم بسبب «الافيهات» التي حملت ايحاءات جنسية مثل «كارك كده» و«الظروف» اللي مقصود منها ظروف الفتيات في فترة معينة من الشهر،في ظل ان الفيلم أغلب جمهوره من الأطفال إيه تعليقك؟
ـ الحقيقة أنا مش شايفة أي إيحاءات جنسية بالفيلم، حتي مشهد قلع البوكسر، لو اعتبرناه ايحاء جنسياً فهو لا يخدش الحياء، لانه «شورت» عادي وتم تقديم المشهد بشكل كوميدي مش «فج».
*ما جديدك في الفترة القادمة؟
ـ حاليا لسه بقرأ مجموعة من السيناريوهات، لكن كلها في نفس سكة دور «كارما» علشان كده مش عايزة اتسرع واكرر نفسي، لكن بالنسبة للغناء بحضر لأغنية جديدة من إنتاجي.
*ولماذا لم تتعاوني مع تامر حسني إنتاجياً مثل كريم محسن؟
ـ تامر عرض عليّ الفكرة وتحمسنا لها، لكن معملناش حاجة لسه لحد دلوقتي، لأنه مشغول في الفترة دي، لكن بتمني نعمل دويتو مع بعض في الفترة اللي جاية . | |
|
